Teo Hernandes "Milan"ın iki matçını buraxacaq

"Milan"ın müdafiəçisi Teo Hernandes qeyri-idman hərəkətinə görə İtaliya çempionatında iki oyundan kənarlaşdırılıb.

90deqiqe.Az xəbər verir ki, bu barədə A Seriyasının rəsmi saytı məlumat yayıb.

Buna səbəb 27 yaşlı futbolçunun “Fiorentina” ilə səfər matçının (1:2) sonlarında  hakimə qarşı göstərdiyi davranış olub. 

Qeyd edək ki, bu görüşün ilk yarısında Ernandes penaltini qola çevirə bilməyib. Ölkə çempionatının növbəti matçlarında "Milan" "Udineze" və "Bolonya" ilə qarşılaşacaq. Teo Hernandes 2019-cu ildən "rossoneri"də çıxış edir. Bu mövsüm o, klubda 9 oyun keçirib, 2 qol vurub və 2 məhsuldar ötürmə edib.