A seriyasında çempion kim olacaq? - Totti açıqladı

Əfsanəvi italyan futbolçu Françesko Totti A Seriyasında çempionluğa əsas namizədləri müəyyən edib.

90deqiqe.Az-ın məlumatına görə, "TMW" 48 yaşlı keçmiş futbolçunun dediklərini belə çatdırıb.

“"Napoli"nin yenidən çempion ola biləcəyinə heç təəccüblənmirəm. Konte əla komandaya malik əla məşqçidir. “Napoli”, “Yuventus” və “İnter” Skudetto üçün mübarizə aparır”

Yeddi turun nəticələrinə əsasən, "Napoli" "İnter"i iki xal qabaqlayır.

Xatırladaq ki, Totti özü 2000/01 mövsümündə “Roma”nın heyətində A Seriyasının qalibi olub və bütün karyerasını “Stadio Olimpiko”da keçirərək, 786 matçda 307 qol vurub.