"Yuventus" Vlahoviçi satmağa hazırdır

"Yuventus"un növbəti yay transfer pəncərəsində ulduz hücumçusu Duşan Vlahoviçi satmağa hazırdır.

90deqiqe.Az "Corriere dello Sport"a istinadən xəbər verir ki, 24 yaşlı futbolçu Turin klubu ilə yeni müqavilə imzalamağa razı olmasa, o zaman Vlahoviç 2025-ci ilin yayında başqa komandaya satılacaq.

Serbiyalı futbolçunun "qoca sinyora" ilə hazırkı müqaviləsi 2026-cı ilin iyun ayına qədərdir.

Qeyd edək ki, mətbuatda Vlahoviçin Premyer Liqanın top-klublarından birinə keçə biləcəyi ilə bağlı xəbərlər yayılmışdı. Mütəxəssislər futbolçunun transfer dəyərini 65 milyon avro qiymətləndirib. Xatırladaq ki, Duşan Vlahoviç bu mövsüm İtaliya çempionatında "Yuventus"un heyətində 7 oyun keçirib və 5 qol vurub.