"Napoli" gürcü futbolçu ilə danışıqlar aparır

"Napoli" yarımmüdafiəçi Xviça Kvaratsxeliya ilə danışıqlar aparır.

90deqiqe.Az xəbər verir ki, Neapol təmsilçisi Kvaratsxeliyaya əlavə artımlarla illik 5 milyon avro, lakin 8 milyondan çox olmayan əsas maaş təklif edir. Eyni zamanda, oyunçu tərəfi Xviçanın üçüncü mövsümdən maaşının 8-9 milyon avroya qədər artırılmasını tələb edir.

Lakin əsas problem Kvaratsxeliyanın müqaviləyə 80 milyon avroluq satın alma opsiyasının daxil edilməsini tələb etməsidir.

“Napoli” bu bəndi müqaviləyə daxil etməmək və ya gürcü tələbi ilə müqayisədə daha yüksək məbləğə qaldırmaq istəyir.