Yuriç "Roma"dan qovula bilər

Yaxın vaxtlarda “Roma” baş məşqçisini dəyişə bilər.

90deqiqe.Az-ın “Il Messaggero"ya istinadən məlumatına görə, İvan Yuriç cümə axşamı gecə “canavarlar”ın “Torino”ya məğlubiyyətindən sonra komandadan qovulacaq.

49 yaşlı çalışdırıcı sentyabrın ortalarında “Roma”nın "sükanı arxasına" keçsə də, lakin ay yarım ərzində komandada olan vəziyyəti düzəldə bilməyib.

Bundan əvvəl mətbuatda İvan Yuriçin paltardəyişmə otağında futbolçu ilə dava salması barədə məlumatlar yayılmışdı.

Hazırda paytaxt klubu A Seriyasının turnir cədvəlində cəmi 12-ci pillədə qərarlaşıb."Roma" - "Torino" matçı Bakı vaxtı ilə saat 23:45-də başlayacaq.