“Məqsədimiz Çempionlar Liqasına qayıtmaqdır"

"Napoli"nin baş məşqçisi Antonio Konte A Seriyasının 11-ci turunun "Atalanta" ilə oyunu öncəsi danışıb.

90deqiqe.Az xəbər verir ki, jurnalist Nikolo Şira italyan çalışdırıcının dediklərini belə çatdırıb.

“Məqsədimiz Çempionlar Liqasına qayıtmaqdır. Sözsüz ki, “Atalanta” güclü komandalar sırasındadır. Zəhmətlə nəticə əldə edən Qasperiniyə böyük hörmətim var. Çempionlar Liqasında çıxış edən klubların bizdən güclü heyətləri var”

Konte daha əvvəl klubun mövsüm başlamazdan əvvəl hədəfi avrokuboklara vəsiqə qazanmaq olduğunu bildirmişdi. Antonio Konte 2024-cü ilin iyununda "Napoli"yə keçib. On oyunun nəticələrinə əsasən, adzurrilər 25 xalla İtaliya çempionatının turnir cədvəlinə başçılıq edirlər. Ötən mövsümü komanda A Seriyasını 10-cu yerdə başa vurub. Napoli - Atalanta matçı noyabrın 3-də keçiriləcək və Bakı vaxtı ilə saat 15:30-da başlayacaq.