"İnter" Dumfries ilə yeni müqavilə imzalamağa hazırlaşır

"İnter"in müdafiəçisi Denzel Dumfries ilə yeni müqavilə imzalamağa hazırlaşır.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb. 

O Milan klubunun 28 yaşlı futbolçu ilə 2028-ci ilin yayına qədər qüvvədə olacaq yeni müqavilə imzalamaq üçün danışıqlar apardığını qeyd edib.

Niderlandlı futbolçunun "İnter"lə hazırkı müqaviləsi bu mövsümün sonunda başa çatır.

Qeyd edək ki, mətbuatda Dumfries-in karyerasını Premyer Liqanın top-klublarından birində davam etdirə biləcəyi ilə bağlı xəbərlər yayılıb. Xatırladaq ki, bu mövsüm Denzel Dumfries "İnter"in heyətində İtaliya çempionatında səkkiz oyun keçirib və o, iki qol vurub və iki sarı vərəqə alıb.