"Verona" ilə matç çətin olacaq"

"Roma"nın baş məşqçisi İvan Yuriç "Verona" ilə oyunöncəsi açıqlama verib.

90deqiqe.Az xəbər verir ki, "Football Italia" təcrübəli çalışdırıcının dediklərini belə çatdırıb.

“Onların çoxlu sayda texniki oyunçuları var, sabitlik yoxdur, əla və o qədər də yaxşı olmayan performanslar arasında növbələşirlər. Əlbəttə, indi onlar inanılmaz dərəcədə motivasiyalıdırlar və uğursuz seriyanı qırmaq istəyirlər, bu, çox çətin matç olacaq”

Qeyd edək ki, “Roma” ən yaxşı formada olmaqdan çox uzaqdır, bunu bir müddət əvvəl “Fiorentina”ya 1:5 hesabı ilə məğlubiyyət də sübut edir. 10 turdan sonra Yuriçin komandası İtaliya çempionatının turnir cədvəlində cəmi 10-cu yeri tutur. "Verona" - "Roma" oyunu sabah Bakı vaxtı ilə saat 21:00-da baş tutacaq.