Lempard İtaliya nəhəngini çalışdıra bilər

"Çelsi"nin və "Everton"un sabiq baş məşqçisi Frenk Lempard İtaliyanın məşhur klublarından birinə rəhbərlik edə bilər.

90deqiqe.Az-ın “Gazzetta dello Sport”a istinadən məlumatına görə, ingilis mütəxəssis "Roma"nın yeni baş məşqçisi ola bilər. Paytaxt  klubunun rəhbərləri İvan Yuriçi əvəzləyəcək.

Lempard bu posta əsas namizəddir.

Mövsümün əvvəlində "Roma"nın ölkə çempionatında uğursuz startından sonra qovulan Daniele De Rossi "Roma"da çalışıb.

Xatırladaq ki, hazırda İvan Yuriçin rəhbərliyi altında “Roma”nın futbolçuları İtaliya çempionatının turnir cədvəlində cəmi 12-ci yeri tutur. “Canavarlar” 11 turdan 13 xal toplayıb.