Morata xəstəxanaya yerləşdirilib

"Milan"ın hücumçusu Alvaro Morata məşqdə aldığı kəllə-beyin travması ilə xəstəxanaya yerləşdirilib.

90deqiqe.Az-ın "La Gazzetta dello Sport"a istinadən məlumatına görə, zədəyə səbəb müdafiəçi Strahinja Pavloviç ilə toqquşma olub.

MRT-dən keçən 32 yaşlı futbolçuda ciddi zədə aşkar edilməyib, lakin Morata növbəti gecəni həkim nəzarətində keçirəcək.

İspan oyunçu A Seriyasının 12-ci turunun noyabrın 9-da “Kalyari” ilə səfər matçını buraxa bilər. Bu mövsüm Alvaro Morata "Milan"ın heyətində 12 oyun keçirib, 3 qol vurub və iki məhsuldar ötürmə edib. 10 oyunun nəticəsinə əsasən, "rossonerilər" İtaliya çempionatının turnir cədvəlində 17 xalla 7-ci yerdədir.