A Seriyasının iki nəhəngi "Tottenhem"in futbolçusu uğrunda mübarizə aparacaq

"Tottenhem"in müdafiəçisi Radu Draquşin iki İtaliya nəhənginin radarlarına düşüb.

90deqiqe.Az xəbər verir ki,  "Yuventus" və "Napoli" rumıniyalı futbolçu ilə maraqlanır. Razılaşma yanvarda baş tuta bilər, lakin London klubu oyunçunu icarəyə vermək istəmir, bu da danışıqları çətinləşdirə bilər.

Radu Draquşin bu kampaniyada “Tottenhem”in heyətində doqquz oyuna çıxıb, lakin Premyer Liqada cəmi dörd dəfə oynayıb. Ötən ilin yanvarında London klubu mərkəzi müdafiəçini Genuyadan 25 milyon avroya alıb. Transfermarkt portalının mütəxəssisləri 22 yaşlı futbolçunun dəyərini eyni 25 milyon avro dəyərində qiymətləndirirlər.