"Roma" Ranyeri ilə anlaşıb

Təcrübəli mütəxəssis Klaudinyo Ranyeri karyerasında üçüncü dəfə “Roma”ya rəhbərlik edəcək.

90deqiqe.Az xəbər verir ki, Roma klubunun rəhbərliyi bu gün Londonda 73 yaşlı mütəxəssislə görüş keçirib. Tərəflər əməkdaşlıq etmək barədə razılığa gəliblər. Rəsmi məlumatın yaxın vaxtlarda açıqlanacağı gözlənilir.

  Ranyeri bundan əvvəl 2009-2011 və 2019-cu illərdə “Roma”nı çalışdırıb. İndi məşqçinin Romaya üçüncü gəlişinin şahidi olacağıq. “Roma” hazırda A Seriyasının turnir cədvəlində 12-ci yerdədir. “Qurdlar” bu yaxınlarda İvan Juriçin zəif nəticələrə görə istefa verdiyini açıqlamışdı. Xorvatiyalı Roma klubunda iki ay belə işləməyib.