Vlahoviç "Milan" və "Aston Villa"ya qarşı oynamayacaq

Serbiya millisinin heyətində oyunda zədələnən "Yuventus"un hücumçusu Duşan Vlahoviç qarşıdakı oyunlarda komandasına kömək etməyəcək.

90deqiqe.Az-ın “La Gazzetta dello Sport”a istinadən məlumatına görə, müayinənin nəticələri ciddi zədənin olmasını istisna edib, lakin buna baxmayaraq, Vlahoviç "Milan" və "Aston Villa"ya qarşı oynamayacaq.

Turinlilər noyabrın 23-ü şənbə günü “Milan”la, noyabrın 27-də isə “Aston Villa” ilə qarşılaşacaq. 24 yaşlı Vlahoviç bu mövsüm "Yuventus"un heyətində 16 oyun keçirib, 9 qol vurub və bir məhsuldar ötürmə edib. Duşanın klubla müqaviləsi gələn mövsümün sonuna qədərdir və onun transfer dəyəri 65 milyon avro olaraq qiymətləndirilir.