"Yuventus" bu qış Faqiolini satmaq istəyir

İtaliya millisinin yarımmüdafiəçisi Nikolo Faqioli qış transfer pəncərəsində "Yuventus"u tərk edə bilər.

90deqiqe.Az-ın "Corriere dello Sport"a istinadən məlumatına görə, Turin klubunun yay mövsümündən sonra transferlər etmək üçün pula ehtiyacı var, rəhbərlik isə Faqiolinin satışından gələn pulla yeni futbolçular almağı planlaşdırır.

"Yuventus"un Faqiolini başqa kluba təklif etməyə başladığı və üstünlük verilən variantın İngiltərə Premyer Liqası olduğu bildirilir.

23 yaşlı italyan bu mövsüm A Seriyasında "Yuventus"un 9 matçında iştirak etsə də, qol vura bilməyib. Mərkəz yarımmüdafiəçisinin transfer qiyməti 20 milyon avro qiymətləndirilir.