"Milan" Qabbiya ilə yeni müqavilə imzalayıb

"Milan" klubu müdafiəçisi Matteo Qabbia ilə yeni uzunmüddətli müqavilə imzalayıb.

90deqiqe.Az-ın məlumatına görə, 25 yaşlı futbolçu 2029-cu ilin yayına qədər yeni müqavilə ilə "rossonerilər"ə söz verib.

Onun İtaliya top klubu ilə əvvəlki müqaviləsi 2026-cı ilin yayına qədər qüvvədə idi. Qabbia "Milan" akademiyasının yetirməsidir və gənc yaşlarından bu klubda olub. Karyerasında cəmi iki dəfə icarə əsasında doğma klubunu tərk edib. Bu mövsüm mərkəz müdafiəçisi "Milan"ın heyətində 8 oyun keçirib. Onlarda o, bir dəfə - A seriyasında qol vurmağı bacarıb. Transfermarkt portalı müdafiə oyunçusunu 12 milyon avro qiymətləndirir.