“Fiorentina” qapıçısız qala bilər

"Fiorentina"nın qapıçısı Oliver Kristensen qış transfer pəncərəsində klubunu dəyişə bilər.

90deqiqe.Az "Sky Sport DE"ə istinadən xəbər verir ki, 25 yaşlı qolkiper daha ehtiyat oyunçular skamyasında oturmaq istəmir və gələcək klubunda bir nömrə olmaq niyyətində olduğu üçün yeni çağırışlara hazırdır.

Danimarkalı oyunçu Bundesliqa komandaları ilə danışıqlar aparır.

Oliver 2023-cü ilin yayından “Fiorentina”da çıxış edir. Bu müddət ərzində o, on matçda iştirak edib, 15 qol buraxıb və iki dəfə qapısını təmiz saxlayıb. Transfermarkt portalının mütəxəssisləri Oliverin dəyərini bir milyon yarım avro qiymətləndirirlər.