"Komo" Dele Alli ilə bağlı qərarını verdi

Yarımmüdafiəçi Dele Alli hazırda İtaliyanın "Komo" klubunda məşqlərini davam etdirir.

90deqiqe.Az xəbər verir ki, bu barədə insayder Nikolo Şira "X" sosial şəbəkəsində (keçmiş Twitter) yazıb. 

O 28 yaşlı oyunçunun ilk məşqdə göstərdiyi performansının "Komo"nun baş məşqçisi Sesk Fabreqası heyran etdiyini və "Tottenhem"in keçmiş ulduzu ilə müqavilə imzalamağa hazır olduğunu qeyd edib.

Tərəflərin, yaxın vaxtlarda razılaşma əldə edəcəkləri gözlənilir.

Dele Alli 2024-cü ilin yayına kimi "Everton"a məxsusdu. Həmin vaxtdan yarımmüdafiəçi azad agent statusundadır. "Komo" İtaliya çempionatının turnir cədvəlində 16-cı yerdədir.