Portuqaliyalı müdafiəçi ilə müqaviləni ləğv edəcək

"Napoli" sol cinah müdafiəçisi Mario Rui ilə yollarını ayıracaq.

90deqiqe.Az xəbər verir ki, bu barədə insayder Matteo Moretto "X" sosial şəbəkəsində (keçmiş Twitter) yazıb. 

O "Napoli"nin yaxın günlərdə portuqaliyalı ilə əmək müqaviləsinə xitam verməyi planlaşdırdığını və futbolçunun qış transfer pəncərəsi açılana qədər müqavilə öhdəliklərindən azad olunacağını qeyd edib.

33 yaşlı futbolçu bu mövsüm Antonio Kontenin komandasının heyətində heç bir oyun keçirməyib.

Mario Rui 2018-ci ilin əvvəlində "Napoli"yə keçib, əvvəllər icarə əsasında "Partenopeans"da çıxış edib. Müdafiəçi bütün turnirlərdə neapolluların heyətində 227 oyun keçirib, 3 qol vurub, 26 məhsuldar ötürmə edib.