"Kvaratsxeliya onu satmağı bizdən xahiş etdi"

"Napoli"nin baş məşqçisi Antonio Konte komandanın cinah oyunçusu Xviça Kvaratsxeliyanın gələcəyi ilə bağlı açıqlama verib.

90deqiqe.Az xəbər verir ki, jurnalist Klaudio Russo təcrübəli çalışdırıcının dediklərini belə çatdırıb.

“Kvaratsxeliya onu satmağı xahiş etdi. Mən çox məyus oldum. Mən ona vacib bir şeyin edilə biləcəyini sübut etmək üçün altı ay sərf etdim. Klub [Kvaratsxeliyanın müqaviləsini] uzatmaq üçün də çalışıb.Altı aydan sonra biz əvvələ qayıtdıq".

Daha əvvəl mətbuatda PSJ-nin Kvaratsxeliyanın transferi ilə bağlı "Napoli" ilə birbaşa danışıqlar aparan yeganə klub olduğu barədə məlumatlar yayılmışdı.

İtaliya komandasının 23 yaşlı hücumçu üçün 80 milyon avro istədiyi bildirilir.