"Milan"ın sabiq futbolçusu karyerasını bitirdi

Danimarkalı müdafiəçi Simon Kjaer 35 yaşında peşəkar futboldan ayrıldığını açıqlayıb.

90deqiqe.Az xəbər verir ki, "TV2"  oyunçunun dediklərini belə çatdırıb.

“İndi bu fəsli bağlamağın vaxtıdır. Keçən il Avropa çempionatından əvvəl bu qərarı düşündüm. Ondan sonra nə olacağını görmək üçün çoxlu səbəblər var idi, amma heç nə alınmasa, mən dayanacağam”

Simon Kjaerin son klubu müqaviləsi başa çatdıqdan sonra keçən yay tərk etdiyi "Milan" olub. Müdafiəçi "Milan" klubu ilə birlikdə 2021/2022 mövsümündə İtaliya çempionu olub. Kjaer həmçinin “Atalanta”, “Sevilya”, “Fənərbağça”, “Lill”, “Roma”, “Volfsburq”, “Palermo” və “Midtyulland”da da çıxış edib.