Qarnaço "Napoli"yə keçməyə yaxındır

"Mançester Yunayted"in yarımmüdafiəçisi Alexandro Qarnaço bu qış İtaliya çempionatında çıxış edə bilər.

90deqiqe.Az "Corriere dello Sport"a istinadən xəbər verir ki, 20 yaşlı futbolçu "Napoli"yə keçməyə yaxındır. Neapolluların baş məşqçisi Antonio Konte və argentinalı yarımmüdafiəçi artıq telefonla danışıb və mümkün transferi müzakirə ediblər. Komanda rəhbərlərinin yaxın vaxtlarda rəsmi danışıqlar aparacağı bildirilir.

Transferin 60 milyon avro civarında olacağı gözlənilir. Qarnaço bu kampaniyada bütün yarışlarda 32 oyun, 8 qol və 6 məhsuldar ötürmə edib.