"Roma" 2 futbolçu ilə gücləndi

"Ayaks"ın müdafiəçisi Devine Renş İtaliya çempionatına keçib.

90deqiqe.Az xəbər verir ki,  22 yaşlı futbolçu bundan sonra “Roma” klubunun uğurları üçün çalışacaq.

Bu barədə klubun mətbuat xidməti məlumat yayıb.Renş yeni komandasında 2 nömrəli forma geyinəcək.

İddiaya görə, paytaxt klubu niderlandlı futbolçu üçün beş milyon avro ödəyib.

"Roma" klubu eyni zamanda "Atalanta"nın qapıçısı Pyerluici Qollinini də heyətinə qatıb. İtaliyalı qolkiperlə imzalanan müqavilənin detalları açıqlanmayıb.

İtaliya çempionatının 21 turundan sonra Roma komandası 27 xal toplayıb və turnir cədvəlinin 9-cu pilləsində qərarlaşıb. A Seriyasının növbəti oyununda “canavarlar” səfərdə “Udineze” ilə qarşılaşacaq. Döyüş bazar günü, yanvarın 26-da baş tutacaq.

29 yaşlı Qollini A Seriyasında "Verona", "Atalanta", "Fiorentina", "Napoli" və "Cenoa" komandalarının formasında ümumilikdə 139 oyuna çıxıb.