"Yuventus" "Çelsi"nin müdafiəçisini icarəyə götürüb

 “Çelsi” klubunun müdafiəçisi Renato Veyqa karyerasını “Yuventus”da davam etdirəcək.

90deqiqe.Az klubun mətbuat xidmətinə istinadən xəbər verir ki, Turin təmsilçisi portuqaliyalı futbolçunu mövsümün sonuna qədər icarəyə götürüb. 

Futbolçu İtaliya klubunda 12 nömrə altında çıxış edəcək.

"Qoca sinyora"nın bu keçid üçün 5 milyon avro ödədiyi bildirilir.

21 yaşlı futbolçu 2024-cü ilin yayında "Çelsi"yə keçib. Bu müddət ərzində futbolçu "təqaüdçülər" üçün bütün turnirlərdə 18 oyun keçirib, iki qol vurub və bir məhsuldar ötürmə edib. Transfermarkt internet portalı oyunçunun bazar dəyərini 10 milyon avro olaraq qiymətləndirir.