Dibala Madridin top klubunun hədəfi olaraq qalır

Hüquqları "Roma"ya məxsus olan hücumçu Paulo Dibala karyerasını İspaniya çempionatında davam etdirə bilər.

90deqiqe.Az "Todofichajes"ə istinadən xəbər verir ki, argentinalı hücumçu hələ də "Atletiko Madrid"in maraq dairəsindədir. Futbolçunun transferində "döşək ustaları"nın baş məşqçisi Dieqo Simeone şəxsən maraqlıdır.

Dibala ilə "Roma" klubu arasındakı əmək müqaviləsi 2026-cı ilin yayına kimi nəzərdə tutulub. Onun müqaviləsində 12 milyon avroluq satınalma maddəsi var. Argentinalı futbolçu A Seriyasının cari mövsümündə 21 oyun keçirib, 6 qol vurub və iki məhsuldar ötürmə edib.