"İnter"in keçmiş futbolçusu "Parma"ya baş məşqçi təyin olunub

"İnter"in və Rumıniya millisinin sabiq müdafiəçisi Kristian Çivu İtaliya A Seriyasının "Parma" klubunun baş məşqçisi olub.

90deqiqe.Az xəbər verir ki, 44 yaşlı çalışdırıcının "parmezanslılar"la müqaviləsinin müddəti hələlik açıqlanmayıb.

Çivunun məşqçilik karyerası artıq yeddi ilə yaxındır ki, davam edir.

Mütəxəssis əvvəllər bütün məşqçilik karyerası boyu “İnter” sistemində çalışıb, müxtəlif yaşlı gənclərdən ibarət komandalara başçılıq edib. Parma onun "İnter"dən kənarda baş məşqçi kimi ilk təcrübəsi olacaq.

“Parma” bu mövsüm 18-ci yerdədir ki, bu da aşağı liqaya düşmə zonasına təhlükəli dərəcədə yaxındır. Klubun hesabında 20 xal var. 17-ci yerdən fərq cəmi bir xaldır.