Pulişiç "Milan"la müqaviləni uzadacaq

"Milan" vingeri Kristian Pulişiç ilə müqaviləsini uzatmağa yaxındır.

90deqiqe.Az xəbər verir ki, nu barədə "Gazzetta dello Sport" məlumat yayıb.

Mənbənin sözlərinə görə, yeni müqavilə yaxın vaxtlarda imzalanmalıdır. Müqavilənin 2029-cu ilə qədər davam edəcəyi, 26 yaşlı futbolçunun maaşının mövsümdə 4 milyon avrodan 5 milyon avroya yüksələcəyi bildirilir.

Pulişiç 2023-cü ildən "Milan"da çıxış edir. Bu mövsüm amerikalı futbolçu bütün turnirlərdə 34 matçda iştirak edib, 12 qol vurub və 9 məhsuldar ötürmə edib. Futbolçunun "rossoneri" ilə hazırkı müqaviləsi 2027-ci ilə qədərdir.