"Roma"nın baş məşqçisi fevral ayının ən yaxşısı seçildi

A Seriyasında fevral ayının ən yaxşı məşqçisinin adını açıqlayıb.

90deqiqe.Az-ın məlumatına görə, mükafatı paytaxtın “Roma” klubunun çalışdırıcısı Klaudio Ranyeri alıb.

Ötən ay təcrübəli mütəxəssisin rəhbərlik etdiyi "canavarlar" üç qələbə və bir heç-heçə edib. İtaliya çempionatının 26 turundan sonra "Roma" 40 xal toplayıb. Ranyerinin komandası turnir cədvəlinin 9-cu pilləsində qərarlaşıb. Paytaxt klubu A Seriyasında növbəti oyununu “Komo”ya qarşı keçirəcək. Görüş İtaliyanın paytaxtında sabah, martın 2-də baş tutacaq, startı Bakı vaxtı ilə saat 21:00-a planlaşdırılıb.