"Yuventus" azarkeşləri "Verona" ilə oyunda komandanı fitə basıblar

“Yuventus” klubunun azarkeşləri İtaliya çempionatında “Verona” ilə oyunda komandalarını fitə basıblar.

90deqiqe.Az-ın məlumatına görə, “qoca sinyora”nın azarkeşləri son vaxtlar əldə etdikləri uğursuz nəticələr və klub rəhbərliyinin hərəkətləri səbəbindən komandalarını fitə basıblar.

Qarşılaşma zamanı azarkeşlər “Yuventus”un bosslarına qışqırıblar.

Qeyd edək ki, azarkeşlər 2024-cü ilin yayında “Atalanta”dan “Yuventus”a keçən hollandiyalı yarımmüdafiəçi Ten Kupmaynersi ayrı-ayrılıqda fitə basıblar.

Yada salaq ki, “Yuventus” sonda “Verona”nı 2:0 hesabı ilə məğlub edib. Hazırda Tiaqo Mottanın rəhbərlik etdiyi Turin komandası A Seriyasının turnir cədvəlində dördüncü pillədə qərarlaşıb.