Mançini "Yuventus" rəhbərliyi ilə görüşəcək

İtaliya millisinin keçmiş baş məşqçisi Roberto Mançini "Yuventus"u çalışdırmağa yaxındır.

90deqiqe.Az xəbər verir ki, artıq bu gün, çərşənbə günü tərəflərin görüşü və potensial əməkdaşlığı müzakirə etməsi planlaşdırılır.

Maraqlıdır ki, "Yuventus" Mançini ilə işləməyə razı olsa, Tiaqo Motta "Milan"ın yeni baş məşqçisi ola bilər.

Xatırladaq ki, Motta hazırda “Yuventus”u çalışdırır. Onu da xatırladaq ki, 2021-ci ilin yayında Roberto Mançini İtaliya millisini Avropa çempionatında qələbəyə aparıb. Bundan sonra Səudiyyə Ərəbistanına getsə də, orada uğur qazana bilməyib.