"Napoli" "Empoli"nin müdafiəçisinin transferi ilə bağlı razılığa gəlib

"Empoli"nin müdafiəçisi Luka Marianuççi yaxın vaxtlarda "Napoli" ilə müqavilə imzalamağa hazırlaşır.

90deqiqe.Az-ın "Football Italia"ya istinadən verdiyi xəbərə görə, Neapol təmsilçisi 20 yaşlı futbolçunun transferi ilə bağlı artıq “Empoli” ilə razılığa gəlib. "Napoli"nin rəhbərləri italyanın gələcəkdə komanda üçün vacib oyunçu ola biləcəyinə inanırlar.

Neapollular may ayına qədər gənc müdafiəçinin transferini tam rəsmiləşdirməyi planlaşdırır.

Marianuççinin transfer dəyərini 800 min avro qiymətləndirilib.

Xatırladaq ki, bu mövsüm Luka Marianuççi İtaliya çempionatında Empoli-nin heyətində 11 oyun keçirib, bu oyunda qol vurmayıb və bir qırmızı vərəqə alıb.