"İnter"lə "Napoli" futbolçu dəyişdirəcək

“Napoli”nin hücumçusu Cakomo Raspadori karyerasını “İnter”də davam etdirə bilər.

90deqiqe.Az-ın məlumatına görə, “Neradzurrilər” Neapol təmsilçisinin maraq dairəsində olduğu bilinən yarımmüdafiəçi Davide Frattesini müqaviləyə daxil etməyə hazırdır.

Hər iki oyunçu belə bir transferdən faydalana bilər, çünki hazırkı komandalarında daimi əsas heyətdə yer tapmaqda çətinlik çəkirlər.

Transfermarkt portalı Frattesinin dəyərini 32 milyon avro, Raspadori isə 15 milyon avro olaraq qiymətləndirir.

A Seriyasında 29 turdan sonra 64 xalla "İnter" turnir cədvəlinə başçılıq edir. 61 xalı olan "Napoli" ikinci pillədə qərarlaşıb.