Onu transfer etmək istəyən bu qədər ödəməlidir

"Atalanta"nın yay transfer pəncərəsində hücumçusu Ademola Lukmanı hansı məbləğə buraxmağa hazır olduğu məlum olub.

90deqiqe.Az-ın "Tuttomercato"ya istinadən verdiyi xəbərə görə, Berqamo təmsilçisi 60 milyon avroluq təklif alacağı təqdirdə nigeriyalı futbolçusu ilə yollarını ayıra bilər. 

"Mançester Yunayted" və "Nyukasl" Lukmanla maraqlanır. Artıq sözügedən klubların futbolçunun agenti ilə danışıqlara başlayacağı bildirilir.

Bu mövsüm 27 yaşlı hücumçu bütün yarışlarda 32 matçda 18 dəfə fərqlənib. Onun da yeddi məhsuldar ötürməsi var. Lukmanın "Atalanta" ilə müqaviləsi 2026-cı ilin ortalarında başa çatır.