Jeep “Yuventus”la müqavilə dəyərini azaldır

"Jeep" loqosunu “Yuventus”un formalarına qaytarmaq üçün ildə 25 milyon avro ödəməyi planlaşdırır.

90deqiqe.Az-ın "Reuters"a istinadən verdiyi xəbərə görə, keçmiş A Seriya çempionu əsas sponsor tapa bilmədiyi üçün Jeep ilə uzunmüddətli tərəfdaşlığı yeniləməyə qərarlıdır. Tərəflər arasında əvvəlki müqavilə ötən ilin iyununda başa çatmışdı.

Hazırda “Yuventus”, iyunda keçiriləcək Klublararası Dünya Kuboku matçlarında futbolçuların "Jeep" loqolu, yeni dizaynda formalarla meydana çıxması üçün brendlə danışıqlar aparır.

"Jeep" 2012-ci ildən "Yuventus"un baş sponsorudur. "Jeep"in sponsorluğunun dəyəri illər ərzində tədricən artıb və ildə 45 milyon avroya çatıb.