“Heç kim “İnter”ə qarşı oynamağı sevmir”

"İnter"in futbolçusu Nikolo Barella A Seriyasında çempionluq yarışı haqda danışıb.

90deqiqe.Az xəbər verir ki, təcrübəli futbolçu "fcinter1908.it"ə açıqlamasında bu barədə fikirlərini bölüşüb:

"Jurnalistlər "Napoli"nin təqviminin bizimkindən daha asan olduğunu düşünürlər. Məncə, "İnter"ə qarşı oynamağın heç kimin xoşuna gəlmir. Biz özümüz haqqında düşünüb nəticələrimizi əldə etməliyik və mövsümün sonunda görəcəyik".

Xatırladaq ki, “İnter”in sabiq çalışdırıcısı Antonio Kontenin rəhbərlik etdiyi “Napoli” ilə yanaşı, onun klubu da çempionluq uğrunda mübarizə aparır. Komandaların hazırda eyni xalı var - hərəyə 71.

“İnter” İtaliyanın hazırkı çempionudur. Çempionatın başa çatmasına beş tur qalıb.