Kloppun agenti “Roma” iddialarına aydınlıq gətirdi

Ulduz məşqçi Yurgen Kloppun maraqlarını təmsil edən futbol agenti Mark Kosike onun “Roma” ilə mümkün müqavilə imzalayacağı ilə bağlı yayılan xəbərlərə münasibət bildirib.

90deqiqe.Az xəbər verir ki, tanınmış jurnalist Fabrizio Romano agentin fikirlərini belə çatdırıb:

“Klopp "Roma"da? Bu xəbər doğru deyil”.

Daha əvvəl mətbuat almaniyalı mütəxəssisin Roma komandasına rəhbərlik etməyə razılıq verdiyini yazıb.

Yurgenin son iş yeri "Liverpul" olub. Klopp 2015-2024-cü illərdə Mersisayd komandasını çalışdırıb. Alman hazırda Red Bull sistemində lider mövqelərdən birini tutur.