"Yuventus" Çempionlar Liqasına yüksəlməlidir, amma..."

İtaliya millisinin və "Yuventus"un sabiq futbolçusu Alessandro del Pyero "qoca sinyora"nın A Seriyasının cari mövsümündəki çıxışını şərh edib.

90deqiqe.Az xəbər verir ki, "Il Bianconero" sabiq futbolçunun fikirlərini belə çatdırıb:

"Komanda Çempionlar Liqasına düşmək üçün mübarizəni davam etdirir. Ümid edirəm ki, "Yuventus" "Venetsiya"nı məğlub edəcək və Çempionlar Liqasında olacaq. Bu gələn bazar günü bəziləri bayram edəcək, bəziləri isə etməyəcək."

İtaliya çempionatının son turu öncəsi “Yuventus” 67 xalla turnir cədvəlinin dördüncü pilləsində qərarlaşıb. "Qoca sinyora" - "Venesiya" matçı mayın 25-də keçiriləcək və Moskva vaxtı ilə saat 21:45-də başlayacaq.