"Roma" Qasperini ilə 3 illik müqavilə imzalayıb

İtaliyanın "Roma" klubunun yeni baş məşqçisi bəlli olub.

90deqiqe.Az-ın məlumatına görə, "canavarlar" italiyalı baş məşqçi Can Pyero Qasperini ilə 3 illik müqavilə imzalayıb.

67 yaşlı mütəxəssis hazırda "Atalanta"nı çalışdırır.

Qasperini Berqamo klubunda doqquz il işlədikdən sonra onu tərk edəcək. Onun rəhbərliyi altında "Atalanta" bütün yarışlarda 439 oyun keçirib, 228 qələbə, 101 heç-heçə və 110 uduzub. 2023/2024 mövsümündə "Atalanta" Avropa Liqasının qalibi olub.

Ötən mövsümün sonunda Qasperininin komandası üçüncü yeri tutaraq Çempionlar Liqasına vəsiqə qazanıb. “Roma” beşinci yerdədir və Avropa Liqasında çıxış edəcək.