İnzaqi “İnter”dən ayrıldı

Simone İnzagi "İnter"in baş məşqçi postunu tərk edib.

90deqiqe.Az xəbər verir ki, bu barədə “neradzurri”nin rəsmi saytı məlumat yayıb.

Tərəflər qarşılıqlı razılıq əsasında müqaviləyə xitam veriblər.

Mütəxəssis 2021-ci ildən komandada çalışırdı. Bu müddət ərzində o, İtaliya çempionu olub, iki dəfə ölkə kubokunu qazanıb, üç dəfə ölkə Superkubokunu qazanıb, həmçinin komanda ilə iki dəfə Çempionlar Liqasının finalına çıxıb.

2024/2025 mövsümünün sonunda "İnter" 81 xal toplayaraq A Seriyasının turnir cədvəlini 2-ci yerdə başa vurub. İtaliya kubokunda komanda yarımfinala yüksəlib, ölkə Superkubokunda “neradzurri” finalda “Milan”a, Çempionlar Liqasının final oyununda isə PSJ-yə uduzub.