"İnter" yeni baş məşqçi ilə anlaşıb

"İnter" klubunun yeni baş məşqçisi Kristian Çivu ola bilər.

90deqiqe.Az-ın məlumatına görə, 44 yaşlı mütəxəssis Milan təmsilçisi ilə iki illik müqavilə üzrə prinsipial razılığa gəlib. Razılaşmaya əsasən, rumıniyalı çalışdırıcı illik 2 milyon avro maaş alacaq.

Çivu 2024-cü ilin fevral ayından bəri "Parma"nı çalışdırır. O, 2018–2024-cü illərdə "İnter"in aşağı yaş qruplarında məşqçi kimi fəaliyyət göstərib. Futbolçu karyerasında da "neradzurra" klubunun formasını geyinmiş Kivu 2010-cu ildə komanda ilə birlikdə çempionluq, İtaliya kuboku və Çempionlar Liqasını qazanaraq "trebl" əldə etmişdi.

Qeyd edək ki, bir neçə gün əvvəl "İnter"lə yollarını ayıran baş məşqçi Simone İnzaqi klubdan ayrılmışdı.