“İnter” Nikola Zalevskinin gələcəyi ilə bağlı qərar verəcək

"İnter" "Roma"nın icarəyə götürdüyü Nikola Zalevski ilə bağlı qərar verməyə hazırlaşır.

90deqiqe.Az-ın məlumatına görə, 23 yaşlı futbolçunun “neradzurri” tərəfindən mütləq transfer olunacağı gözlənilsədə vəziyyət dəyişib.

Hazırda “İnter” rəhbərliyi Zalevskinin birdəfəlik transferindən imtina etməyə daha yaxın görünür. Qərarın son forması isə bu həftənin əvvəlində komandaya baş məşqçi təyin olunan Kristian Çivunun mövqeyindən asılı olacaq.

Zalevski cari mövsüm “İnter”in heyətində bütün turnirlər üzrə 15 oyuna çıxıb, 1 qol və 1 məhsuldar ötürmə ilə yadda qalıb.