“Yuventus”la heç bir əlaqəm olmayıb

"Napoli"nin baş məşqçisi Antonio Konte onun "Yuventus"a qayıdacağı ilə bağlı yayılan məlumatlara münasibət bildirib.

90deqiqe.Az-ın "Corriere della Sera"ya istinadən yaydığı məlumata görə, italiyalı mütəxəssis Turin klubu ilə heç bir təmas qurmadığını bildirib:

"Heç kimlə əlaqə saxlamamışam. Kimin mənimlə üçüncü şəxslər vasitəsilə əlaqə yaratmağa çalışdığı məlum deyil, amma hamısına cavabım eyni olub – mövsüm sonunda klubumla danışacam. Bu, hər zaman belə olub. Əgər həmin görüş tərəfləri qane etməsəydi, yalnız o halda başqa bir layihəyə açıq olardım"

Antonio Kontenin rəhbərliyi altında "Napoli" İtaliya çempionu olub. Qısa müddət sonra Kontenin komanda ilə işləməyə davam edəcəyi açıqlandı.