Kayl Uoker “Milan”dan ayrıldı

“Milan”ın heyətində icarə əsasında çıxış edən Kayl Uoker klubdan ayrılıb.

90deqiqe.Az xəbər verir ki, bu barədə A Seriyası təmsilçisi rəsmi “X” (əvvəlki Twitter) hesabı vasitəsilə məlumat yayıb.

35 yaşlı müdafiəçi yanvar ayında “Mançester Siti”dən “Milan”a icarə əsasında keçmişdi. Bu müddətdə Uoker bütün turnirlərdə 16 oyunda iştirak edib və məhsuldarlığı ilə seçilməyib.

Təcrübəli futbolçunun “şəhərlilər”lə müqaviləsi 2026-cı ilin yayına qədər qüvvədədir. 2017-ci ildən “Mançester Siti”də çıxış edən Uoker İngiltərə Premyer Liqasının altıqat çempionudur.

“Transfermarkt” portalının məlumatına görə, müdafiəçinin hazırkı bazar dəyəri 4 milyon avrodur.