“Modriç əsl çempiondur, onun debütünü səbirsizliklə gözləyirəm”

İtaliyanın “Milan” klubunun sabiq hücumçusu Aleksandre Pato komandanın yay fasiləsində ən çox səs-küyə səbəb olan transferi – Luka Modriç haqda fikirlərini bölüşüb.

90deqiqe.Az-ın "pianetamilan.it"ə istinadən verdiyi məlumata görə, braziliyalı futbolçu “Real Madrid”dən ayrılaraq “Milan”a keçən xorvatiyalı yarımmüdafiəçinin debütünü səbirsizliklə gözlədiyini bildirib:

“Mənə çox maraqlıdır. Xorvatiyada da insanlar inanır ki, Modriç ‘Milan’da uğurlu olacaq. Ona yalnız uğurlar arzulayıram – o, əsl çempiondur.”

Xatırladaq ki, Aleşandre Pato 2008–2013-cü illər aralığında “Milan”ın şərəfini qoruyub. Yeni mövsümə A Seriyasında avqustun ikinci yarısında start veriləcək.