“Napoli” iki əsas futbolçusundan məhrum oldu

İtaliyanın “Napoli” klubu iki əsas oyunçusunu itirib.

90deqiqe.Az xəbər verir ki, mərkəz yarımmüdafiəçi Stanislav Lobotka və hücumçu Matteo Politano yaxın günlərdə komandaya kömək edə bilməyəcək. Bu barədə klubun rəsmi saytı məlumat yayıb.

“Cenoa” ilə oyundan sonra hər iki futbolçu əzələ narahatlığından şikayət edib. Tibbi heyət Lobotkada bud əzələsinin zədələndiyini, Politanoda isə qıç əzələsinin dartıldığını müəyyən edib. Hər iki oyunçunun sağalması üçün konkret müddət hələ açıqlanmayıb.

Cari mövsümdə Lobotka 8 oyunda 1 məhsuldar ötürmə, Politano isə 8 oyunda 1 assist ilə çıxış edib. Serie A-nın 6 turundan sonra “Napoli” 15 xalla turnir cədvəlində liderdir.