"Alleqrinin "Milan"ını sevirəm"

Keçmiş italiyalı futbolçu Massimo Ambrosini yeni baş məşqçi Massimiliano Alleqrinin rəhbərliyi altında “Milan”ın çıxışını şərh edib.

90deqiqe.Az "pianetamilan.it"ə istinadən xəbər verir ki,  48 yaşlı futbolçu bildirib ki, komanda mövsümə möhkəm başlanğıc edib və Alleqrinin izi hər şeydə görünür:

“Mən bu komandanı bəyənirəm, burada sağlam ruh və yaxşı təşkilatçılığı görürəm. Sonuncu buraxılmış qol ilk turda qeydə alınıb… Müdafiədə möhkəm olmaq çox önəmlidir. Allegrinin əli bütün komandada hiss olunur.”

Qeyd edək ki, “Milan” yeni mövsümün ilk altı oyununda dörd qələbə qazanıb və mövsümün çempionu Napoli də daxil olmaqla rəqiblərini məğlub edib.

Massimo Ambrosini klubda 1995–2013-cü illərdə çıxış edib və uzun illər komandanın əsas fiqurlarından olub.