UEFA “Yuventus”un maliyyə fəaliyyəti ilə bağlı araşdırma aparır

İtaliyanın “Yuventus” klubu UEFA tərəfindən maliyyə pozuntularına görə araşdırılır.

90deqiqe.Az “The Athletic”ə istinadən xəbər verir ki, sentyabr ayında klub UEFA-dan xəbərdarlıq alıb və 2022-2025-ci illəri əhatə edən üçillik dövr üzrə araşdırma başlayıb.

Yekun qərarın 2026-cı ilin baharında verilməsi gözlənilir. Maliyyə qaydalarının pozulması təsdiqlənərsə, klub həm cərimə edilə, həm də UEFA yarışlarında oyunçu qeydiyyatına məhdudiyyətlə üzləşə bilər.

Xatırladaq ki, 2023-cü ilin iyul ayında “Yuventus” oxşar pozuntular səbəbindən bir mövsüm UEFA yarışlarından kənarlaşdırılıb və 20 milyon avro cərimələnib (10 milyon şərti).