“Napoli” iki futbolçu ilə yeni müqavilə imzaladı

İtaliyanın “Napoli” klubu iki futbolçu ilə əməkdaşlığını uzadıb.

90deqiqe.Az xəbər verir ki, bu barədə məlumat klubun rəsmi saytında verilib.

Məlumata görə, mərkəz hücumçusu Cüzeppe Ambrozino və hücum yarımmüdafiəçisi Antonio Verqara ilə yeni müqavilə imzalanıb. Hər iki oyunçu 2030-cu ilin yayına qədər Neapol təmsilçisində qalacaq.

Qeyd edək ki, Verqara “Napoli”nin akademiyasının yetirməsidir. O, əsas komandada cari mövsümdə yalnız bir oyuna çıxıb və qol və ya assistlə yadda qalmayıb.

Ambrozino isə klubun sistemində 2013-cü ildən çıxış edir. Hazırda onun hesabında əsas komandada iki oyun var, lakin hələ qol və ya assist qeydə alınmayıb.