"Spaletti "Yuventus"un yeni baş məşqçisi olacaq”

İtalyan agenti Damiano Draqo “Yuventus”un baş məşqçi postuna mümkün təyinat barədə danışıb.

90deqiqe.Az-ın məlumatına görə, “Euro-Futbol.Ru” agentin dediklərini belə çatdırıb.

“Spaletti həm İtaliya, həm də beynəlxalq səviyyədə zəngin təcrübəyə malik yeganə italiyalı məşqçidir. Mən şəxsən mövsüm ortasında dəyişiklik etməkdənsə, məşqçiyə işi başa çatdırması üçün vaxt verilməsini üstün tutardım. Amma ‘Yuventus’ dünyanın ən əhəmiyyətli klublarından biridir və klubun qərarını başa düşürəm.”

Qeyd edək ki, bu həftə turinlilər İqor Tudoru postdan azad edib. Serie A cədvəlində “Yuventus” 15 xalla 5-ci pillədə qərarlaşıb.