“Roma”dan inamlı qələbə

İtaliya Seria A-nın XI turunda “Roma” və “Udineze” qarşılaşıb.

90deqiqe.Az xəbər verir ki, oyun Roma şəhərindəki “Olimpiko” stadionunda baş tutub, baş hakim isə Cuzeppe Kollu olub. Ev sahibi komanda 2:0 hesablı qələbə qazanıb.

Matçın 42-ci dəqiqəsində “Roma”nın yarımmüdafiəçisi Lorenzo Pellegrini penaltini dəqiq yerinə yetirib. 61-ci dəqiqədə isə müdafiəçi Zeki Çelik fərqi ikiqat artırıb.

Bu qələbə sayəsində “Roma” Seria A cədvəlində 24 xalla birinci pilləyə yüksəlib. Qasparinin yetirmələri öncəki turlarda xal itirən “Milan” və “Napoli”ni qabaqlayıb. “Udineze” isə 15 xalla 10-cu yerdə qərarlaşıb.