“Atalanta”nın yeni baş məşqçisi müəyyənləşdi

İtaliyanın “Atalanta” klubu yeni baş məşqçisi bəlli olub.

90deqiqe.Az xəbər verir ki, Berqamo təmsilçisinə “Fiorentina”nın sabiq çalışdırıcısı Raffalele Palladino rəhbərlik edəcək.

 Mütəxəssislə 2027-ci ilə qədər müqavilə imzalanıb.

Qeyd edək ki, daha əvvəl klub baş məşqçi İvan Yuriçlə yollarını ayırmışdı.

Hazırda “Atalanta” A Seriyasında 11 turdan sonra 13 xalla 11-ci pillədə qərarlaşıb. Komanda uzun müddət məğlubiyyətsiz oyunlar keçirsə də, sonradan ardıcıl iki dəfə uduzub. Əvvəlcə “berqamaskilər” səfərdə “Udineze”yə 0:1 hesabı ilə məğlub olub, daha sonra isə evdə “Sassuolo”dan 0:3 hesablı ağır məğlubiyyət alıblar.

Palladino bundan öncə “Monça” klubunu da çalışdırıb. Onun “Fiorentina”dakı yerini Stefano Pioli tutmuşdu, lakin o da qısa müddət əvvəl istefaya göndərilib.